Зэвсэгт хүчний 325 дугаар анги цэргийн тангараг давтах, ангийн байлдааны туганд хүндэтгэл үзүүлэх  ёслолын ажиллагааг зохион байгууллаа.

     Уг ёслолын ажиллагаанд тус ангийн, ангийн ахлагчаар ажиллаж байсан тэргүүн ахлагч Н.Цэрэндорж, Холбооны албаны дарга дэд хурандаа Э.Өнөржаргал, опертивын жижүүр хошууч Д.Содном, Холбооны албаны нярав Б.Болдбаатар, Төвийн ротын ахлах оператор  Ц.Ууганбаяр, Хувцасны албаны нярав Ц.Цэцэгмаа нар уригдан оролцсон юм.

     Улс, эх орондоо хүчин зүтгэсэн хугацаат жилүүд дуусгавар болж тэтгэвэр, чөлөөнд гарч байгаа ахмадууд ангийн байлдааны тугандаа хүндэтгэл үзүүлж салах ёс үйлддэг заншилтай билээ.

     Зэвсэгт хүчний Агаарын цэрэг, анги байгууллагынхаа хөгжил дэвшилд үнэтэй хувь нэмэр оруулан үндсэн үүрэг болох байлдааны жижүүрлэлтийн ажиллагааг тасралтгүй, найдвартай гүйцэтгэж ажилласан Захирагчийн нэгдүгээр орлогч-штабын даргаар ажиллаж байсан дэд хурандаа Д.Хишигбаатар, Тэргүүн ахлагч Н.Цэрэндорж, дэд хурандаа Э.Өнөржаргал нарын алдар гавъяаг алдаршуулан  ангийн хүндэт дэвтэрт нэрийг нь бичиж мөнхлөн батламж олголоо.

Дэслэгч Э.ЭРДЭНЭСҮХ