Дорнод аймгийн Чойбалсан хотын 85 жилийн ой 2023 оны 9 дүгээр сарын 2-ны өдөр тохиож, аймгийн Засаг Даргын Тамгийн Газраас нутгийн иргэдрүү чиглэсэн олон арга хэмжээг зохион байгууллаа. Үүний нэг нь хүүхэд залуучуудад цэрэг-эх оронч үзэл хүмүүжил олгох, иргэн-цэргийн харилцааг бэхжүүлэх, цэргийн албыг сурталчлах хүрээнд явуулсан цэргийн ёслол, хүндэтгэлийн ажиллагаа юм.

     Аймгийн төв талбайд байрлах Монгол Улсын хошой баатар, маршал Х.Чойбалсангийн хөшөөнд цэцэг өргөх ёслолын ажиллагаанд Зэвсэгт хүчний анги, тусгай салбарууд оролцжээ.

     Дорнод аймгийн Засаг Даргын Тамгийн Газраас аймаг, орон нутгийн түүхт ой болоод улс орны хэмжээний тэмдэглэлт өдрүүдэд цэргийн ёслол хүндэтгэлийн ажиллагааг тогтмол зохион байгуулж хэвшсэн бөгөөд энэ нь хүүхэд залуучуудыг багаас нь цэрэг-эх оронч үзэл хүмүүжлээр төлөвшүүлэх зорилгыг агуулж байдаг юм.

Ахмад М.МӨНХЗАЯА