Агаарын цэргийн командлалын сургалт бэлтгэлийн хэлтсээс командлал харьяа ангиудын удирдлага, сургалт хариуцсан нэгж, албан тушаалтнууд, командлалын дэргэдэх эрдмийн зөвлөлтэй хамтран “Агаарын цэргийн сургалтын тогтолцоог боловсронгуй болгох, тогтолцоог бүрдүүлэх арга зүй” сэдвээр нэгдсэн хэлэлцүүлгийг 2023 оны 09 дүгээр сарын 05-ны өдөр командлалын байрлалд зохион байгуулж явууллаа.

     Хэлэлцүүлгийн хүрээнд Зэвсэгт хүчний Агаарын цэргийн сургалт бэлтгэлийн өнөөгийн байдал, сургалтын тогтолцоо, сургалт зохион байгуулж явуулхад тулгамдаж буй асуудлууд, шийдвэрлэх арга замын талаар харилцан санал солилцож, сургалтын шинэ тогтолцоог тодорхойллоо.

     Зэвсэгт хүчний Агаарын цэргийн командлагч хурандаа Т.Ганбат бүрэлдэхүүнд хандан сургалтын чиглэлээр хэлэлцүүлэг явуулж байгаа нь цаг үеээ олсон арга хэмжээ болж байгааг сайшаан, цаашид Агаарын цэргийн сургалт бэлтгэлийг явуулах бодлого чиглэлийг тодорхойлсон юм.