Зэвсэгт хүчний 305 дугаар тусгай салбар Ховд аймгийн Булган сум дахь цагдаагийн хэлтэстэй хамтран "Та-татгалз" нөлөөллийн арга хэмжээнд нэгдэн хамтран ажиллаа.

     Цагдаагийн байгууллагын хэмжээнд 2023 оны эхний 08 сард 25,392 гэмт хэрэг бүртгэгдсэний 3,289 буюу 13.0 хувь нь согтуугаар үйлдэгдсэн гэмт хэрэг эзэлж байна гэсэн тоо баримт гаржээ. Бүртгэгдсэн хэргээс согтуугаар үйлдэгдсэн 3,289 гэмт хэргийг өмнөх оны мөн үетэй харьцуулахад 616 буюу 15.8 хувиар буурсан үзүүлэлттэй байна. Үүнээс 3289 гэмт хэргийн 1411 буюу 42.9% нийслэлд, 1878 буюу 57.1% нь орон нутагт, өмнөх оны мөн үед 3905 гэмт хэргийн 1816 буюу 46.5% нь нийслэлд, 2089 буюу 53.5% нь орон нутагт тус тус бүртгэгджээ.

     Цагдаагийн байгууллагаас согтуугаар үйлдэгдэх гэмт хэрэг, зөрчлөөс урьдчилан сэргийлэх чиглэлээр өмнө зохион байгуулж байсан "Намайг алгас" нөлөөллийн аяны үргэлжлэл "Та-татгалз" нөлөөллийн арга хэмжээг Монгол Улсын Ерөнхийлөгчийн Тамгын газар, Хууль зүй, дотоод хэргийн яам зэрэг газартай хамтран энэ оны 09 дүгээр сарын 18-ны өдрөөс 30 хоногийн хугацаатай зохион байгуулж эхэлсэн юм байна.

     Архи, согтууруулах ундааны зүйлийн зохисгүй хэрэглээнээс татгалзая.

Ахлагч Б.МӨНХ-ЭРДЭНЭ