АНУ-ын Агаарын цэргийн удирдлагын анхан шатны дамжаанд Зэвсэгт хүчний Агаарын цэргийн анхны эмэгтэй хоёр ахлагч амжилттай суралцаж эх орондоо ирлээ.

   Зэвсэгт хүчний 065 дугаар ангийн салааны ахлагч ахлагч М.Ариунтуа, ээлжийн дарга ахлагч Б.Хулан нар дээрх дамжаанд 5 сарын хугацаатай суралцсан ба суралцах эхний 3 сарын хугацаанд хэлний бэлтгэлд хамрагдан сайн суралцсанаар үргэлжлүүлэн үндсэн сургалт болох ахлагчийн удирдлагын анхан шатны сургалтад хамрагдаж дамжаагаа амжилттай төгссөн юм.

    Агаарын цэргийн командлагч хурандаа Т.Ганбат Ахлагч М.Ариунтуяа, Б.Хулан нарт баяр хүргэж  Зэвсэгт хүчний Агаарын цэргээс АНУ-д суралцсан анхны эмэгтэй ахлагч нар болсноороо бусдад боломж байгааг харуулж, эмэгтэй ахлагч нарыгаа сэдэлжүүлж амжилттай суралцаж төгссөнд баяртай байгаагаа илэрхийлж, сурсан мэдсэн зүйлсээ өөрийн ангидаа сурталчилж, таниулах тал дээр анхаарахыг хүссэн юм.

АГААРЫН ЦЭРГИЙН КОМАНДЛАЛ