Зэвсэгт хүчний 337 дугаар ангийн бие бүрэлдэхүүнд “Цахим орчин дахь сүлжээний тоглоомын хор уршиг, дэлгэцийн донтолтын өвчин эмгэг, түүнээс урьдчилан сэргийлэх” сэдвээр сургалтыг зохион байгуулж явууллаа.

     Тус сургалтад урилгаар Дотоод хэргийн их сургуулийн багш цагдаагийн ахмад Б.Оюунцэцэг оролцож ангийн бие бүрэлдэхүүнд цахим орчин дахь гэмт хэрэг, түүнээс урьдчилан сэргийлэх талаар яриа хийж, зөвлөгөө өглөө.

     Цахим гэмт хэрэг гэдэг нь орчин үеийн техник, технологийн дэвшил хөгжлийн шинэ боломж олгохын зэрэгцээ нийгмийн бусад сөрөг үзэгдлүүдийг ч дагуулсаар байна. Тэдгээрийн нэг нь “цахим” гэмт хэрэг юм. Энэхүү гэмт хэргийн талаар хэд хэдэн тодорхойлолт байдаг боловч “компьютер, ухаалаг гар утас болон цахим сүлжээ ашиглаж бусдын эд хөрөнгө, алдар нэр, хувийн нууц, аюулгүй байдал, өдөр тутмын хэвийн үйл ажиллагаанд нь хууль бусаар халдаж буй өөр өөр төрлийн гэмт хэргийн нийлбэр” хэмээн хамгийн энгийнээр тайлбарлаж болно.

Ахмад А.Баасанпүрэв