2023-2024 оны  сургуулийн жилийн цэргийн сургалт бэлтгэлийн төлөвлөгөөний дагуу Зэвсэгт хүчний 325 дугаар ангийн тусгай салбаруудын захирагч, аж ахуйн дарга, ротын ахлагч нарын  “Заах арга зүйн цугларалтыг “Удирдах арга барил-Өөрчлөлт” сэдвээр 2023 оны 10 дугаар сарын 25-28-ний өдрүүдэд зохион байгуулж явууллаа.

     Энэхүү цугларалтын арга хэмжээнд Агаарын цэргийн командлагч хурандаа Т.Ганбат, Агаарын цэргийн командлалын Сургалт бэлтгэлийн хэлтсийн дарга хурандаа Ж.Одсүрэн, ЗХЖШ-ын БСТГ-ын ахлах мэргэжилтэн Ж.Үүрцайх нар оролцож, Батлан хамгаалыхын яам, ЗХЖШ, Агаарын цэргийн командлалын авч  хэрэгжүүлсэн арга хэмжээ, цаашид авч хэрэгжүүлэх ажлын талаар мэдээлэл хүргэж, үүрэг даалгавараар ханган ажилласан юм.

     Өнгөрөгч 06 сард Монгол улсын Батлан хамгаалахын сайд дэслэгч генерал Г.Сайханбаяр болон ЗХЖШ-ын дарга хошууч генерал С.Ганбямба нарын баруун аймгуудад ажиллах үеэр анги, тусгай салбаруудад тулгамдаж буй зарим асуудлуудын талаар хүсэлт тавьсаны дагуу компьютер, техник хэрэгсэл, гал тогооны иж бүрэн тоног төхөөрөмжийг Агаарын цэргийн командлагч хурандаа Т.Ганбат анги, тусгай салбаруудын захирагч нарт гардуулан өглөө.

     Тус заах арга зүйн цугларалтын үеэр Агаарын цэргийн командлагч хурандаа Т.Ганбат “Мөрдөсгүй уулзалт-чөлөөт ярилцлага”-ыг зохион байгуулж, тулгамдаж буй асуудлуудын талаар хэлэлцүүлэг зохион байгуулж явуулсан нь анх удаа зохион байгуулагдаж буйгаараа онцлог байлаа.

     Цугларалтын төгсгөлд бүх салбарын захирагч нарт удирдах арга барилаа нийгмийн өөрчлөлтөд нийцүүлэн бие бүрэлдэхүүний ажилласан жил, туршлагад тохируулан цэргийн сургалт бэлтгэлийг шинэлэг аргаар зохион байгуулахыг ангийн захирагч хурандаа Б.Баярсайхан үүрэг болголоо.

дэслэгч Э.ЭРДЭНЭСҮХ