Налайх дүүргийн Төрийн цэргийн болон тусгайлсан чиг үүрэг бүхий байгууллагуудын дунд ‘’Ахлагчийн алба Бидний бахархал’’ сэдэвт нэгдсэн чуулга уулзалт дүүргийн Соёлын ордонд зохион байгуулагдлаа.

     Чуулга уулзалтын зорилго нь Төрийн цэргийн болон тусгайлсан чиг үүрэг бүхий байгууллагуудын хэрэгжүүлж байгаа үйл ажиллагаа, бодлого чиглэлийг танилцуулах, алба хаагчдын санал, хүсэлтийг хүлээн авах, тулгарч байгаа хүндрэл бэрхшээлийг шийдвэрлэх арга замыг тодорхойлох, ахлагчийн бүрэлдэхүүний үүрэг оролцоо, манлайллыг нэмэгдүүлэх, ахлагчийн албыг сурталчлахад чиглэгдэн явагдлаа.

     Налайх цэргийн хотхоны төрийн цэргийн байгууллагуудын ахлагч нар чуулга уулзалтын хүрээнд Зэвсэгт хүчний 337, 353 дугаар ангиудын үйл ажиллагаатай  танилцсан юм.

     Чуулганд оролцож буй бүрэлдэхүүнийг 2 ангийн удирдлага, хамт олон угтан авч үйл ажиллагаа, түүхэн замнал, нислэг, нислэгийн бэлтгэл, агаарын хилийн орон зайн хяналт, зэвсэглэл техник, гүйцэтгэх үүргийн талаар танилцуулга хийж, ангийн өдөр тутмын үйл ажиллагааг сонирхууллаа.

дэслэгч НОМИН-ЭРДЭНЭ, дэд ахлагч С.БАЯРХҮҮ