Монгол түмний уламжлалт их баяр Билгийн тооллын XVII жарны “Хилэнт эх” хэмээх Модон луу жилийн хаврын тэргүүн сарын шинийн дөрөвний билэгт сайн өдөр Зэвсэгт хүчний 337 дугаар ангийн удирдлага, хамт олон үндэсний өв соёл, монгол уламжлалаа эрхэмлэн хүндэтгэсэн нэгдсэн золголтыг зохион байгууллаа.

    Ангийн захирагч хурандаа Э.Батсайхан хэлсэн үгэндээ “Луу жилдээ элбэг хангалуун, итгэл дүүрэн, эрүүл энх саруул сайхан байж, юу санасан есөн цагаан хүсэл нь сэтгэлчлэн бүтэж, баяр жаргалаар дүүрэн байх болтугай” гэсэн өлзийтэй ерөөлийг өргөн дэвшүүллээ.

    Монгол үндэсний өв соёл, зан заншил, дуу хуур, тоглоом наадгайг түгээн дэлгэрүүлэх, соёлын үнэт өв уламжлалаа дээдлэн хүндэтгэх, үндэсний дээл хувцсаа жудаг төгөлдөр өмсөх, эерэг хандлагыг төлөвшүүлэх зорилго дор бие бүрэлдэхүүний дунд авхаалж самбаа сорьсон “МОРЬ УРАЛДУУЛАХ”, “ШАГАЙ ШҮҮРЭХ” тэмцээнүүдийг зохион байгуулж аваргуудаа тодруулан мөнгөн шагнал, дурсгалын зүйлээр шагнаж урамшуулсан бахархал дүүрэн сайхан өдөр болж өндөрлөлөө.

Соёл хүмүүжлийн офицер Дэд ахлагч С.Баярхүү