ЗХЖШ-ын даргын тушаалаар томилогдсон "Сэтгэл зүйн хөдөлгөөнт бүлэг"  Зэвсэгт хүчний 065 дугаар ангид 02 дугаар сарын 14-ны өдөр ажиллаа.

     Бүлгийн багш нар ангийн офицер, ахлагч, ажилтан алба хаагчдыг бүлэгт хуваарилан баг хамт олон, хүн бүрийн үүрэг, оролцоонд тулгуурлан сургалтыг шинэлэг арга хэлбэрээр зохион байгууллаа.

    Тус сургалтаар Зэвсэгт хүчний үйл ажиллагаа, цэргийн алба, сэтгэл зүйн бэлтгэлжилтийг үнэлэх, удирдах ба манлайлах, харилцаа ба хандлага, ур чадвар ба хариуцлагыг хэрхэн хослуулж ажиллах, багаар хэрхэн үр дүнтэй ажиллаж, нэгдмэл ойлголт бүхий оновчтой шийдвэрийг гаргах талаар онол болон дадлага хосолсон үр дүнтэй сургалт боллоо.

    Сургалтын хүрээнд “Хувь хүний багт гүйцэтгэх үүрэг, оролцоо”, “Харилцааны сэтгэл зүй”, “EQ”, “Сэтгэл гутралын шинж тэмдэг, түүнээс урьдчилан сэргийлэх болон гарах арга зам” зэрэг оношилгоо, сургалтыг зохион байгуулж, бие бүрэлдэхүүн өөрийн давуу болон сул талаа мэдэх, цаашид давуу талаа хөгжүүлэхэд хэрхэн анхаарахыг ч ойлгуулж чадсан юм. 

     Мөн алба, салбар тус бүрээр хамт олны уур амьсгал, хоорондын харилцааг бэхжүүлэх зорилгоор бүлгийн зөвлөгөө зохион байгуулсан нь тус сургалтын нэг онцлог давуу тал байсан юм.

АХЛАХ ДЭСЛЭГЧ Б.ДУЛАМСҮРЭН