Аргын тооллын 02 дугаар сарын 19 буюу билгийн тооллын 10-ны билигт сайн өдөр Зэвсэгт хүчний 337 дугаар ангийн бие бүрэлдэхүүн модон луу жилийнхээ заслыг ангийн байрлалд хийлгэлээ.

     Тодруулбал бие бүрэлдэхүүний сэтгэл санааг өргөх, үндэсний өв соёлыг дэлгэрүүлэх, тэдний сүсэг бишрэлийг хүндэтгэн бурхныг даллага авхуулах үйл хэргийг Ламжадамба, Гончигсум, цэргийн сахиус Жамсран тэргүүтэнд даатгаж Хөх луу жилдээ юу санасан есөн цагаан хүсэл нь сэтгэлчлэн бүтэх болтугай хэмээн сүсэглэн залбирч жилийнхээ заслыг хийлгэлээ.

     Энэ үеэр Налайх дүүргийн “САЙН НОМУН ХИЙД”-ийн Жанрайсаг дацангийн лам нар “Хийморийн сан”, “Дөрвөн уулын сан”, “Дашжиравын сан”, “Цагаан дарь эх”, “Ногоон дарь эх” судрыг уншиж айлдлаа.

Зэвсэгт хүчний 337 дугаар анги