Агаарын цэргийн командлалын бүрэлдэхүүний сэтгэл зүйн байдлыг тогтоох, сэтгэл зүйн хямрал, стресст өртөхөөс урьдчилан сэргийлэх, сэтгэл судлалын шинжлэх ухааны батлагдсан арга, техникээр өөрөө өөртөө оношилгоо хийх зэрэг сургалт, сурталчилгааны ажлыг Агаарын цэргийн командлалын Суртал хүмүүжил, сэтгэл зүйн тасгаас 2024 оны 02 дугаар сарын 29-ны өдөр зохион байгууллаа.

     Судалгаа эхлэхийн өмнө Соёл хүмүүжлийн офицер хошууч Ө.Нарантуяа    “Бүлэг, багт би хэн бэ?”, “Харилцааны хэв шинж”, “EQ чадвар”, “Харилцааны зөрчил”, “Өөрийгөө үнэлэх үнэлэмж”, “Сэтгэл гутралын шинж тэмдэг, түүнээс гарах арга зам” гэсэн сэдвүүдээр мэдээлэл өгч, харилцан яриа хийлээ.

     Энэхүү оношилгоогоор бие бүрэлдэхүүн өөрийн давуу болон сул талаа мэдэх, цаашид давуу талаа ажил, албандаа ашиглан үр бүтээмжтэй ашиглах дадал зуршлыг бий болгох онцлогтой юм.

     Тус сургалтад командлалын бие бүрэлдэхүүн идэвх санаачилгатай оролцож  судалгааны аргыг эзэмшиж авлаа.