Нэгэн зууныг үдээд удаагүй байгаа Зэвсэгт хүчин хэмээх их айлын нэгээхэн хэсэг болсон Улсыг агаарын довтолгооноос хамгаалах цэргийн 60 жилийн ой энэ жил тохиож байна.  

Их ойдоо зориулан Зэвсэгт хүчний Агаарын цэргийн командлалаас төрөл бүрийн судалгаа шинжилгээний, ухуулга сурталчилгааны, соёл гэгээрлийн, спорт урлагийн, техник технологийн, шинэчлэл иновацийн ажлуудыг хэрэгжүүлж эхлээд байна.

Үүний нэг нь төрийн цэргийн болон хууль сахиулах байгууллагуудын дунд явагдсан “Хурдач радист” тэмцээн амжилттай зохион байгуулагдаж дүнгээ гаргалаа.

Тэгвэл өнөөдөр тус төрлийн цэргийн ахмадууд, одоо алба хаагчдын төлөөллөөс бүрдсэн ажлын хэсэг хуралдаж ойдоо зориулан түүхийн ном бүтээх асуудлаар ярилцлаа.

Эх орныхоо мөнх хөх тэнгэрийн аюулгүй байдлыг хангах ариун үүрэгтэй төрөл цэргийн байгуулсан алдар гавьяа, дайчин цогтой үйл хэрэг хойч үедээ мөнхөд өвлөгдөн үлдэх учиртай.