Зэвсэгт хүчний 065 дугаар анги хамтын ажиллагааныхаа хүрээнд Баянзүрх Дүүргийн Насан Туршийн Суралцахуйн Төвтэй ээлжит ажлаа зохион байгууллаа.

     Энэ удаад “Аз жаргалтай гэр бүлийн нууц” сэдвээр гэр бүл судлаач Н.Энхмааг урьж ангийн бие бүрэлдэхүүнд гэр бүлийн тогтвортой байдлыг дэмжих мөн гэр бүлийн харилцаа холбоог сайжруулах зорилготой сургалт явуулсан юм.

     Тус сургалтын хүрээнд залуу алба хаагчдыг түлхүү хамруулсан ба  гэрлэлт, сонголт, эрэгтэй эмэгтэй хүний онцлог ялгаа, эхнэр нөхрийн үүрэг хариуцлага, харилцаанд үүсэх бэрхшээлийг даван туулах арга, аз жаргалтай гэр бүлийн тухай нууц, хосуудын харилцаа сонжоо болон эхнэр нөхөртөө цаг гаргах  төлөвлөгөө зэрэг агуулгын хүрээнд зохион байгууллаа.

     Сургалтын төгсгөлд гэр бүл судлаач Н.Энхмаа “Хүн сонсох, сурах, мэдэх бүрд боломж шийдэл бий болж байдаг.Сургалтад идэвхтэй хамрагдсан хамт олондоо гэр бүлд нь аз жаргал эрүүл энхийг хүсье” гэж хэлсэн юм.

Ахлагч П.Оюун-Эрдэнэ