2024 оны 05 дугаар сарын 06-ноос 22-ний өдрүүдэд зохион байгуулагдах гэж буй цэрэгжлийн цогцолбор тэмцээнд Зэвсэгт хүчний 353 дугаар анги баг, тамирчдаа Зэвсэгт хүчний анги байгууллагуудын жишгээр оролцуулж байгаа.

     Ангийн байрлалдаа бэлтгэлээ базааж Таван толгойн районыг зорьсон тэдний бэлтгэлийн явцтай танилцах, сэтгэл зүйн дэмжлэг үзүүлэх зорилгоор ангийн удирдлага болон Суртал хүмүүжил, сэтгэл зүйн албаны бүрэлдэхүүн тэмцээний газар орныг зорьсон юм.

     Марш-тусгай бэлтгэлийн тэмцээн бол хувь хүний тэмцээн бус тасгийн бүрэлдэхүүний болон тэдний ард ажиллаж байгаа хамт олны хамтын зүтгэлээр амжилтад хүрдэг багийн спорт юм билээ. Тэмцээний нээлтийн ажиллагаа болсон энэ өдөр тамирчдад сэтгэл зүйн дэмжлэг үзүүлэх зорилгоор урлагийн мэндчилгээ, хөгжөөнт тоглоомуудыг бие бүрэлдэхүүний дунд зохион байгуулсан бөгөөд зарим цэргийн алба хаагчдад сэтгэл зүйн ганцаарчилсан зөвлөгөөг өгч ажилласнаараа онцлог үйл ажилласан юм.

            Дэд ахлагч З.ХОНГОРЗУЛ