Зэвсэгт хүчний 353 дугаар ангийн нийт бие бүрэлдэхүүн 05 дугаар сарын 29-ний өдөр энхийг сахиулагчдадаа хүндэтгэл үзүүллээ.

     Тус ажиллагааны үеэр ангийн тэргүүн ахлагч М.Батмөнх ажиллагааны газар оронд өнгөрүүлсэн цаг хугацаа, хүнд хэцүү бөгөөд бахархал дүүрэн дурсамж хийгээд залуу хойч үедээ зөвлөмж болох олон сонирхолтой сэдвүүдээр нээлттэй илтгэл тавьсан юм.

     Мөн эх дэлхийн цэнхэр дуулгатан, энхийг сахиулагчдын ариун үйлсийг сурталчлан таниулах зорилгоор  ангийн алдрын танхимд энхийг сахиулагчдын буланг шинээр тохижуулан гэрэлт самбарыг байршуулан нээлтийн арга хэмжээг зохион байгууллаа. Мөн тус буландаа сонирхолтой цуглуулга болон хувцас хэрэглэл зэргээр үзүүлэн дэлгэж нийт бие бүрэлдэхүүнд сонирхууллаа. Энэ цаг үед эх дэлхийн энхийг сахиулах их үйлт өөрийн бие сэтгэлээ зориулан байгаа алба хаагчдынхаа ар гэрт хүндэтгэл үзүүлэн бяцхан үрсийг баярлууллаа.

дэд ахлагч З.ХОНГОРЗУЛ