Завхан аймгийн Улиастай суманд 06 дугаар сарын 17-ны оройн 17-н цаг 30 минутаас эхлэн 1 цагийн хугацаанд орсон ширүүн аадар борооны улмаас уруйн үер бууж гамшгийн нөхцөл байдал үүсээд байна.

     Тус сумын үерийн аюулд өртсөн Жинст, Жаргалант, Өлзийт багийн 131 га газар, 158 өрхийн 449 иргэдэд туслахаар Завхан аймгийн Цагдаагийн газар, Онцгой байдлын газартай хамтран Зэвсэгт хүчний 325 дугаар ангийн Гамшиг хор уршгаас хамгаалахад дэмжлэг үзүүлэх бүлгийн 2 нэгж техник, 30 цэргийн алба хаагч үерт автсан иргэдийг татан гаргах, нүүлгэн шилжүүлэх ажлыг гүйцэтгэж байна.

     Одоогийн байдлаар 35 айл өрхийг нүүлгэн шилжүүлээд байгаа бөгөөд үргэлжлүүлэн нүүлгэн шилжүүлэх, зам талбайн лаг шаврыг цэвэрлэх, айл өрхийн эд хөрөнгийг сахин хамгаалах, үер болсон газрын гүний худаг, ногооны талбай, зоорь зэргийг ариутгах ажлуудыг хийж гүйцэтгэхээр ажиллаж байна. Мөн үерт өртсөн зарим айл өрхүүд айл өрхүүд эзгүй байгаа нь нүүлгэн шилжүүлэхэд ихээхэн хүндрэл учруулж байгаа талаар аймгийн онцгой комиссоос мэдээлэл өгч байна.

ДЭСЛЭГЧ Э.ЭРДЭНЭСҮХ