Цэргийн гавьяаны одонт Агаарын цэргийн ууган хороо Зэвсэгт хүчний 065 дугаар ангийн 104 дүгээр тусгай салбарын үүсэн байгуулагдсаны түүх 60 жилийн ойг Өмнөговь аймгийн Номгон сумд нутгийн ард иргэд, ахмад дайчид, харилцан ажилладаг төрийн болон цэргийн байгууллагуудтай ёслол төгөлдөр тэмдэглэн өнгөрүүллээ. Монгол Улсын өмнөд бүсийн агаарын хилийг хамгаалж буй тус салбарын ойгоор Зэвсэгт хүчний Агаарын цэргийн командлалын байлдааны туг, Зэвсэгт хүчний 065 дугаар ангийн байлдааны туг хослон аялж байгаа нь түүхэн тохиолдол боллоо.

     Зэвсэгт хүчний 065 дугаар ангийн 104 дүгээр тусгай салбарын үүсэн байгуулагдсаны түүх 60 жилийн ой цэргийн ёслолын жагсаал, баярын хурал, соёлын арга хэмжээ, бэсрэг наадмаар үргэлжилж нутгийн зон олон, ард иргэдийн халуун дэмжлэг, хөөр баярын дунд цэргийн анги, цэргийнхнээрээ бахархах уур амьсгал дунд явагдаж дууслаа.