Зэвсэгт хүчний 325 дугаар анги Завхан аймгийн хүүхэд залуучуудын хөгжлийн төвтэй хамтран “Батлан хамгаалах байгууллагуудад хүүхэд, залуучуудад эх оронч үзэл төлөвшүүлэх үндэсний хөтөлбөрийг хэрэгжүүлэх арга хэмжээний  дэд төлөвлөгөө”-ний хэрэгжилтийг хангах, анги салбарын бие бүрэлдэхүүний соёлын түвшинг дээшлүүлэх, урлаг, уран сайхны мэдрэмж, авьяас чадварыг хөгжүүлэх, соёлын үйлчилгээг түгээх зорилгоор 10 дугаар сарын 22-ны өдөр Завхан аймгийн хүүхэд залуучуудын хөгжлийн төвийн концертын их танхимд ард иргэдэд нээлттэй зохион байгуулж явууллаа.

      Урлагийн үзлэгийг холимог найрал дуу, найрал дууны чуулга, гоцлол дуу, хөгжим, бүжиг, хамтлаг дуу, хөгжим, бүжиг ардын язгуур урлаг, уран уншлага, шилдэг гоц үзүүлбэр зэрэг төрлүүдээр бүрэн хэмжээний тоглолтыг ангийн алба, салбар, нэгжүүд бэлтгэн тоглож үзүүллээ.

     Тэргүүний ардын авьяастан шалгаруулах урлагийн үзлэгт ахлах ахлагч Ж.Жамъяндорж ахлагчтай “Хорооны командын байр”-ын хамт олон нэгдүгээр байрт, дэд хурандаа Э.Өнөржаргал ахлагчтай “Штаб”-ын хамт олон хоёрдугаар байрт, хошууч Б.Ганбат ахлагчтай “Ар тал”-ын баг хамт олон гуравдугаар байрт тус тус шалгарлаа.